Konfam Afternoon Lounge (12pm – 4pm): With Don Velly and Ufuoma Obrike. Afternoon don reach and you never chop small lunch ke? Come make we go lounge together! Konfam Afternoon Lounge na where real talk dey happen—no fake life, no packaging.

You dey find side hustle wey go add money to your pocket? You wan hear how other people dey survive this Lagos economy? Or maybe something dey worry your mind and you need people wey go understand? The Konfam Afternoon Lounge na your safe space! We dey talk about depression, addiction, women and men wahala, and all those things wey dey heavy for people mind but them no fit talk am.

We dey also bring you the latest gist from Lagos streets (because you know say Gidi no dey sleep!), discuss landlord and tenant palava, because who landlord never stress before?, and we dey share those weird-but-true stories wey go make you ask “How You See Am?”

Whether you dey office, shop, or house, tune in make we lounge together. E go make your afternoon make sense!