11 Year Old Russian Girl Dun Change Am For Putin Sake Of Her Uncle Wey Wound For This Ukraine War So

Russian Presido Vladimir Putin don jam wahala after one 11-year-old girl, Kira, from Siberia, face am for Red Square, Moscow, over how dem dey treat her uncle wey wound for di Russia-Ukraine w@r. Di small girl, wey her papa, Vladimir Pimenov, die last year for Donetsk region while fighting, beg Putin make dem transfer her uncle go “better hospital for Russia.” She tell am say her uncle, Anton Fisyura, don wound for arm and dem no dey treat am well, but dem still wan send am back to di front line. Putin come look somehow shocked and promise say, “We go find am, okay?” before kiss di girl for head and waka commot.

Kira talk say her uncle Anton get two pikin one 9 years old and di other 18 and she still get two other uncles wey dey fight for di same war. Earlier this year, pictures show Russian soldiers wey don tire and injure, dey waka for muddy trenches with walking stick as Putin still dey send dem back to fight. Kira even give Putin one Soviet-era toy wey she sew by herself  Cheburashka and talk say she don also knit di same toy for her other uncles, Vanya and Yura. According to her, “My toys go surely bring dem luck.”