Edo Assembly Don Drag 2Baba Wife Come Over Marital Gbege

By: Rilwan Agbomeji

Edo Assembly don call Natasha Irobosa, Egor lawmaker, make she run go Ethics Committee within one week afta her gbege with 2Baba dey trend hot hot for everywhere.

Speaker Blessing Agbebaku tok say wetin 2baba babe do dey disgrace House name and she gats clear herself. Di whole mata don turn hot gist for TV and social media.  Assembly yarn say members suppose dey behave well, no be play. Di House get members wey sabi wetin dem dey do, but our member attitude don drag di House name for mud, and we no go gree am, she add.

Di mata between 2Baba and Natasha burst for public eye small time afta di singer yarn say im 12-year marriage with Annie Macaulay don finish for January. Later, e show Natasha as im fiancée and even sharp sharp  propose to am for Valentine’s eve, February 14. Di two both of dem come later hold private traditional wedding for Abuja for July, but  as marras dey like dis, di whole gbege dey make 2baba fans dey fear say wahala fit enter di marriage anytime.