Naija Gorment, WIPO Join Hand To Hellep Content Creators

By: Esther Ayoola

Naija gornment and di World Intellectual Property Organisation (WIPO) don agree to join hand work together  to hellep creators see money for dia brain work.

Vice President Kashim Shettima naim sama dis update for Abuja, when im receive di WIPO team for im office .

WIPO Director-General, Daren Tang lead delegation go meet with Shettima and other big gornment officials inside Presidential Villa to settle dis agreement.

Shettima clear am say Naija dey really ready to build intellectual property system wey go favor both inventors, researchers, artists, farmers, and standard investors.