FG Don Declare October 1 Public Holiday To Celebrate Nigeria 65th Independence Anniversary.

Federal Government don declare Wednesday, October 1, 2025, as public holiday to celebrate Nigeria 65th Independence Anniversary. Minister of Interior, Dr. Olubunmi Tunji-Ojo, talk dis one for statement wey Permanent Secretary, Dr. Magdalene Ajani, sign and release on Monday. For di statement, Tunji-Ojo congratulate Nigerians both for inside and outside di country and encourage everybody to keep patriotic spirit, unity, and strong mind wey don hold di nation since 1960.
He also urge Nigerians to believe for Renewed Hope Agenda of President Bola Tinubu, wey focus on national rebirth, economic transformation, and collective prosperity. Di Minister talk say e get confidence say if all Nigerians cooperate, di country go continue to grow stronger for peace, progress, and development,” na wetin di statement add. He wish Nigerians happy and memorable 2025 Independence Day celebration. Nigeria gain independence from British colonial rule on October 1, 1960. Dis year anniversary get theme: “Nigeria @ 65: All Hands on Deck for a Greater Nation,” and activities for celebration don start with prayer for mosques and churches.