FG Show 65th Independence Anniversary Theme

Government talk say all agencies and partners suppose align dia programmes with di anniversary theme make e sure say di message dey clear for all part of national life. Federal Government don announce di official theme for Nigeria 2025 Independence Day celebrations. Dis one dey inside statement wey Director of Information and Public Relations for Office of Secretary to Government of Federation, Segun Imohiosen, talk on Wednesday for Abuja. E talk say di theme, ‘Nigeria @ 65: All Hands on Deck for a Greater Nation,’ mean say unity, collaboration, and patriotism dey important among government institutions, private sector, civil society, and citizens to push national peace, prosperity, and progress forward. Government talk say di reason wey dem choose di theme na because e show how Nigeria don strong since independence for 1960, and e still show say make we hold our past achievements well, as we dey chase bigger goals under di Renewed Hope Agenda. Government agencies and partners go need arrange dia programmes to follow di anniversary theme make di message clear for all corner of national life. As part of di things wey dem plan for di 65th Independence celebration, Juma’at prayer go shele on Friday, September 26, then inter-denominational church service go happen on Sunday, September 28. Dem go still do World Press Conference on Monday, September 29, for Abuja, wey be di country capital. Na di full statement be dis:

Office of di secretary to government of di Federation
Press Release
FG Show Official Theme for 2025 Independence anniversary’ Office of di secretary to government of di federation. World press conference go  shele on monday, 29th september
Di Federal Government don show di official theme for Nigeria 2025 Independence Anniversary, and dem tag am: Nigeria @ 65: All Hands on Deck for a Greater Nation. Di theme for Nigeria @ 65 dey talk say unity, collaboration and patriotism dey very important among public sector, private sector, civil society and all Nigerians to build one better country wey go get steady peace, better life and progress. Since Nigeria collect independence on October 1, 1960, di country don waka pass many wahala and still make better progress for different areas of di economy. Because of dis, everybody need come together to hold di ones wey we don achieve, and push to reach even bigger goals with aim to build one strong nation wey go favour all Nigerians. E dey expected say Government activities and programmes go follow di official theme, so that di message go touch every area of our national life as we dey work to make di Renewed Hope Agenda become reality. As part of di celebration for Nigeria 65th Independence Anniversary, Juma’at Prayer go hold on Friday, 26th September by 1pm, Inter-Denominational Church Service go happen on Sunday, 28th September by 10am, and World Press Conference go shele on Monday, 29th September by 10am.

Segun Imohiosen
Director, Information & Public Relations
24th September, 2025