JUST IN: Rhodes-Vivour Don Raise Alarm, Accuse APC Say Dem Dey Use Violence Take Intimidate Opposition For Lagos.

Gbadebo Rhodes-Vivour, wey be Labour Party governorship candidate for Lagos, don accuse di ruling All Progressives Congress (APC) and dia padi dem say dem dey use violence to shut up opposition people. For one statement wey e drop for X, Rhodes-Vivour talk say even DSS sabi about some orders wey dem say National Union of Road Transport Workers (NURTW) don give, say make dem scatter and attack opposition gathering. He talk say dem don already carry out di order during im declaration for Alimosho, and say dem still give similar threat after im rally for Ajeromi wey go well.

As he take talk am, Di president and im APC people for Lagos don dey control Lagos for more than 24 years, but dem no get anything to show or use campaign. Instead, dem dey mobilise people like dis to shut down opposition, while dem dey send dia own pikin go abroad to enjoy better government. He accuse di ruling party say dem dey tag anybody wey no gree with dem as enemy of di president just to put fear and scatter democracy. But Rhodes-Vivour still stand gidigba, say opposition no go gree make anybody intimidate dem. He warn say nobody get monopoly of violence. As he take talk am When dis film start, una go quickly realise say we plenty, una no reach.