Minister For Innovation, Science And Technology Don Run Comot As Dem Catch Am For Certificate Waka Gbege

Minister for Innovation, Science and Technology, Uche Nnaji, don resign as certificate wahala full ground. Bayo Onanuga, Presidential spokesman, confirm say Nnaji don step down on di night of  October 7. Reports talk say University of Nigeria, Nsukka (UNN) deny say dem ever give Nnaji Bachelor of Science degree certificate because e no finish school. UNN Vice-Chancellor, Simon U. Ortuanya talk say Nnaji come school for 1981 but e no complete and no get degree.

Reports still talk say the NYSC certificate wey Nnaji give Senate before dem clear am as Minister na fake. NYSC no verify am because di Director-General wey sign the certificate no dey di office when di certificate claim say e serve. Plus, certificate talk say Nnaji serve 13 months instead of 12 months wey law talk. President Tinubu accept Nnaji resignation after wahala burst. Nnaji write letter thank President Tinubu for di chance to serve, say some political people dey blackmail am. President Tinubu also thank am for di work wey e do and wish am well for future.