NSC Talk Say Sports Dey Play Big Role For Job Creation

The Chairman of di National Sports Commission (NSC), Shehu Dikko, don yan di strategic role wey sports dey play as catalyst for youth empowerment, job creation, national unity, deepening security and international collaboration, while e still reafirm say di Commission dey push ongoing efforts to build globally competitive and sustainable sports system for Nigeria under di current government.

Dikko yan dis one for di inaugural CNN Global Perspectives: On Africa summit wey happen for London, wey him join regional leaders, global investors, and policy influencers for exclusive leadership forum wey focus on how Africa fit take shape di future global economy, strengthen development cooperation, and unlock new pathways for growth across key sectors. E talk say di Commission still dey expand partnerships and international engagement as part of dia mandate to improve Nigeria sporting scene and make di country strong for global positioning.