Tinubu tell Amupitan: Make 2027 Polls Clean, Free From Wahala

President Bola Tinubu don charge di new INEC Chairman, Professor Joash Amupitan, make e prioritise transparency, credibility, and non-violence as Nigeria dey prepare for 2027 general elections. Tinubu yarn say credible elections na di foundation of public trust and democracy stability. E give Amupitan clear charge to protect di integrity of elections and INEC, starting with di Anambra governorship election for November 2025. Tinubu yan say Amupitan appointment, wey Senate confirm last week, show say both executive and legislative arms get confidence for im capacity and character. Di president also remind am say Nigeria democracy don grow since 1999, and even though no electoral system dey perfect, transparency and credibility for every stage from registration, campaign, media access, voting, to result collation dey crucial to maintain public trust.

Amupitan don promise say e go defend di Constitution and work with all stakeholders, political parties, civil society, and security agencies to ensure free, fair, and credible elections. E talk say success go need teamwork, discipline, and integrity inside INEC, while also prioritising staff welfare. Di new chairman, wey be Senior Advocate of Nigeria and University of Jos law professor, also describe im appointment as divine call to serve di nation. E vow say di upcoming Anambra governorship election go be opportunity to show commitment to credible polls and restore confidence for voters. Acting INEC Chairman May Agbamuche-Mbu formally hand over reins and hail Amupitan as man wey fit handle di “herculean” task with integrity, innovation, and dedication.