Afrobeats Don Choke — Slimcase Vex Say Too Much Songs & Albums Don Make Am Dey Boring

Singer Slimcase don open up him mind for Instagram story, yarn say di way Nigerian artistes dey drop too many songs and albums don dey kill di Afrobeats vibe. According to am, dem musicians dey put too much pressure for dia self to always release new project steady steady. Slimcase say make dem take chill pill like Rihanna, do other things, then come back with fresh vibes wey go burst brain.

Di singer no hold back as e talk say di sound don dey boring because dem just too plenty every year. “I owe dem a song this year and that’s it,” na wetin he talk. Him even add say na only God dey new every morning, but artistes dey drop songs and albums every second, and e dey kii Afrobeats small small. “It’s not fun anymore,” Slimcase talk as e lament di wahala wey too much music don bring to di genre.