Waje Talk Say She Get Belle At 16, Baby Papa Deny Am

Nigerian singer Waje don open up about how she take face serious wahala when she get belle at just 16 years old. She yarn di tori for The Honest Bunch, say she hide di belle from her mama for almost five months before di woman find out. When her mama go meet di guy family, dem no gree accept responsibility as di young man deny say na him get di pikin. Waje talk say her mama come take full charge, telling dem say, “since you talk say no be you, di pikin na my own now,” as e dey happen for Igbo land when woman born osut of wedlock.

Years later, di guy resurface talk say he wan reconnect with dia daughter wey don grow. Waje say she first no gree until she set condition make he “fight for im pikin” since he be Canadian citizen, so di girl fit get better life. She yarn say dem plan DNA test but di man keep delay am, months turn to years and e no still do am. By di time di girl turn 18, e don too late for am to file for her. Waje vex say she don dey pay school fees in dollars while di man dey talk say he wan send just $200. She conclude say her main focus na her daughter well-being and make she get di best chance for life.