Nancy Iheme Don React To Regina Daniels Marriage Wahala, Drop Strong Message For Ladies

Actress Nancy Iheme don drop her mind for Instagram as di wahala between Regina Daniels and her husband, Senator Ned Nwoko, dey hot. Even though she no call anybody name, her long post clear say e relate to di gist, as she warn young women make dem shine dia eye before dem marry older men. Nancy talk say many old men sabi play smart and women wey wan marry dem gatz use sense and strategy. She write say, “You no fit marry old man without calculation, especially when you sabi say im be polygamist. You no go climb that kind age gap come dey collect crumbs.”

Nancy still advise ladies make dem no dey see marriage like poverty-alleviation programme, as some old men dey use money take control dia wives. She talk say to marry old man no be work for faint-hearted woman at all. She come urge women make dem always put dia happiness first and waka commot from any relationship wey no dey favour dem again.