“Igbo Don Finish Me” — Omah Lay Don Dey Use Glass Now

Nigerian singer and songwriter, Omah Lay don shock fans with im recent confession about di kind wahala wey im lifestyle don cause for im body. Di “Soso” crooner use im Snapchat take yarn say too much igbo (weed) don affect im health, and e don reach point wey im gatz dey wear eye glass now. For di video wey im post, Omah Lay talk say, “Igbo don finish me. My eyes don go. I no ever think say one day I go dey wear glasses.”

Even though di singer no give full gist, im talk don scatter social media as many fans begin reason di effect of weed and other substances on young entertainers. People don dey talk say Omah Lay matter na reminder say fame and lifestyle fit come with heavy wahala if person no control am well.