Britain Economy Fall Again, Labour Dey Press For Growth

By: Esther Ayoola

Britain economy don shock again as official data show say e shrink 0.1% for October afta e already fall 0.1% for September.

Di office for national statistics release di numbers on Friday, and e dey dash blow to labour government wey dey hope revive economic growth.

Analysts bin dey expect say economy go grow 0.1%, but di reality na contraction continue.

Di only bright side be say manufacturing bounce small as jaguar land rover resume work after cyberattack wey hold UK economy down last month.