Iran Ready To Strike US If Gbege Happen

By: Rilwan Agbomeji

Iran foreign minister, Seyed Abbas Araghchi don yarn say Iranian army dey ready to immediately and powerfully strike back if US try attack dem.

Di warning land just hours afta US Presido Donald Trump yarn again say dem fit carry military action come.

Di USS Abraham Lincoln, one nuclear-powered aircraft carrier, na one of di many military tins wey US don send go Arabian Sea these past few days.

European Union foreign ministers dey plan put new sanctions on Iran, wey fit include travel ban and freeze of money and property for Iranian officials wey dem talk say dem get hand for kpai kpai of thousands of antigovernment protesters since end of December last year.