Budget Wahala Force US Homeland Security Close Shop

By: Rilwan Agbomeji

Di Department of Homeland Security don enter partial shutdown on Saturday sake of say US Congress never gree pay dem, especially over ICE operations wey dey cause gbege afta dem kill two citizens for Minneapolis raids.

Thousands wey dey work for airport security, disaster relief, and oda DHS units go either carry dia kaya go house without payment or dey continue to work with no salary until money wahala settle.

Democrats dey block new funding unless ICE rules change, like stop some patrols, no more face mask for raids, and make dem dey get court warrant before dem enter private land.

House Minority Leader Hakeem Jeffries call out Trump and Republicans, talk say dem no serious at all about controlling ICE.