Inflation Slow Small, But Food Price Still Dey Pepper Nigerians

By : Jolayemi Olajide

Nigeria headline inflation rate drop small to 15.91 percent for June 2026 from 15.93 percent for May, as National Bureau of Statistics, NBS, announce di latest figures on Thursday.

NBS tok say dis na di first time inflation go reduce after e rise continuously for three months since March, with di slight drop driven by lower core inflation.

Despite di improvement, food inflation climb from 16.96 percent for May to 17.52 percent for June because prices of pepper, tomatoes, crayfish, beef, garri, yam, cassava flour and other food items continue to rise.

Di latest Consumer Price Index report show say although general inflation ease small, many Nigerians still dey battle with rising food costs across di country.