New JAMB Boss Draw Battle Line, Say Exam Fraud No Go Fly Again

By: Esther Daniel

New Joint Admission Matriculation Board, JAMB Registrar Prof. Segun Aina don vow say anybody wey wan spoil di integrity of JAMB through exam malpractice or admission fraud go face di full weight of di law.

Aina make di promise on Friday during di official handover ceremony for JAMB headquarters, Bwari, Abuja, saying fairness, trust and transparency go remain di foundation of di board.

Di new registrar warn exam cheats, impersonators, certificate forgers, cybercriminals and corrupt officials say JAMB go use technology, intelligence and stronger monitoring take smoke out offenders.

According to am, JAMB go work closely with security agencies and relevant stakeholders to protect honest candidates and make sure only people wey deserve admission get am.