IGP Olatunji Disu Draw Ear Say Jungle Justice Na Crime

Di Inspector-General of Police, Tunji Disu, don drag ear say anybody wey kpai person through jungle justice fit face murder charge and death penalty, as e give di warning for video wey Nigeria Police Force share on Tuesday, August 25, 2026.

Disu say e issue di warning because innocent Nigerians dey lose dia lives through rumours, suspicion and mistaken identity, press mouth say nobody no get right to try, sentence or kpai anoda pesin.

Di IGP don tell Commissioners of Police for Naija to treat every case of mob action as homicide, and make dem touchlight am well well and arrest everybody wey dem catch.

He also warn say anybody wey plan gather beat go face charges and 14 years imprisonment and anybody wey kpai suspect, dem go kpai am.