Iran Threaten Say E Go Block Hormuz After US Sink 3 Oil Tankers

By: Mariam Ajayi

Iran top security boss, Mohsen Rezaei, don threaten to block road near Strait of Hormuz like road safety, come dey command ships to pass Oman side.

Dis one  pass pepper body sef,  as Iran Parliament Speaker, Mohammad Bagher Ghalibaf, vex warn America,  say, dem dey load  shege  for oil business, after US military sink three of dia oil tankers.

While dis big men dey drag muscle, Israel sef dey do dia own for one side, say  dem rain bomb for Gaza kill five people, plus settlers,  one teenage girl,  for West Bank.

Even with ceasefire paper wey US sign, Israel still go do  Lebanon anyhow,  firing  heavy air strike kill seven people come wound twenty others like say war just start.