Africa Go Gain From Raw Materials – Presido Tinubu

Wi oga Presido, Bola Tinubu, AKA baba Seyi, don shake table for Africa, say make African countries stop di anyhow character of  export dia raw materials and later buy back finished products for very high price.

Senior man yarn dis one for Abuja during di 2026 African Natural Resources and Energy Investment Summit.

Baba Seyi, through Solid Minerals Minister, Dele Alake, say Africa must learn to cook dia minerals inside dia own kitchen before exporting, to stop all dis see finish wey Africa dey experience from dose big, big countries.