Army Chief Burst Kebbi, Order Troops – “No Mercy — Go All Out, Rescue Di Girls”

Di Chief of Army Staff (COAS), Lieutenant General Waidi Shaibu, on Tuesday land Maga community for Kebbi State, dey direct troops of Operation Fasan Yamma make dem go “all out” against di bandits wey carry students from Government Girls Secondary School, Maga. During im visit, Shaibu warn say di bandits don dey attack soft targets dey form pattern, and say dem go fight am with better strategy, correct intelligence, plus relentless operations. E tell di troops, “Una must continue day and night fighting. We must find these children,” and advise commanders to use intelligence properly, act decisively, and do di work professionally. E insist say operations go continue 24 hours until all di abducted students return safely to dia family.

Shaibu also meet local vigilantes and hunters wey dey work with security forces, and talk say dem sabi di terrain well and dem get big role for di rescue mission. E yan, “If we get people like una, na una go give us local intelligence. Una sabi di forest; una sabi where di criminals dey hide.” E encourage di hunters make dem search every corner while soldiers go dey join dem, so dem fit restore peace. Di Army Chief condemn di bandits wey wan dey scare children from school, praise di courage of di vigilantes, and assure dem say di military go continue dey support dem. Earlier, Shaibu visit di traditional ruler of Danko, Abubakar Allaje, and di principal of di attacked school, Rabi Magaji, to offer condolences, and reaffirm say di military dey fully committed to bring di children back home safely.