Dangote Refinery Jet Fuel Don Enter Saudi Market

Dangote

Dangote Refinery Go Export 130 Million Litres Jet Fuel Go Saudi Arabia

Dangote Petroleum Refinery don arrange three big cargo wey carry about 130 million litres of jet fuel go Saudi Arabia.

Dis one dey happen after di refinery don first send jet fuel go United States. For March, dem don export more than two million barrels of jet fuel, wey show say di refinery dey shine for international energy market.

Based on wetin ship-tracking data from Kpler show, six vessels wey carry about 1.7 million barrels of jet fuel from di refinery don land for US ports dis month. Another vessel, Hafnia Andromeda, go dock for Everglades terminal on March 29 with around 348,000 barrels of jet fuel.

Dangote Refinery wey be Africa biggest refinery, get refining capacity of 650,000 barrels per day. E don position imself as one big player for global fuel market. Experts dey talk say na because of the high quality of im products and how international buyers dey trust am, na why e fit enter US and Saudi market.

“This na big achievement for Nigeria. Say Dangote Refinery fit meet the high-quality standard wey US and Saudi Arabia dey use show say dem dey run things like world-class,” na wetin Muda Yusuf, wey be CEO of Centre for the Promotion of Private Enterprises (CPPE), talk.

As Dangote Refinery begin sell for US market, e be like say e meet when Phillips 66 Bayway refinery for New Jersey dey do maintenance shutdown.”

But analysts dey reason say Dangote shipment fit affect jet fuel price for US, especially as summer travel season dey reach peak.

Nigeria don dey supply plenty jet fuel, and e go make price for US come down. For March, dem don carry like 226,000 barrels per day enter US, wey be the highest since February 2023,” na wetin Steven Barsamian, wey be oga for TankTiger, talk.

No be only fuel export matter, di refinery work dey change Nigeria economy sef.

Abimbola Oyarinu, wey be public policy expert, talk say if di country don build im refinery capacity tey tey, e for help reduce wahala like inflation and unemployment.

“This na wetin we suppose don do since ten years ago,” Oyarinu talk. “Instead make we dey carry crude go sell, come still buy refined fuel, we for don invest for refinery. Now, no be only Dangote dey save Nigeria foreign exchange, e dey make am too.”

“Even though di refinery don get beta success, e still get wahala wey e dey face, like government regulation and how e go run smooth. Oyarinu talk say di kain business wahala wey dey for Nigeria fit make future investors fear to put money.

‘Dis refinery na big game-changer, but we gatz make sure say di business ground soft well. If Dangote fit make am despite all di wahala, imagine wetin Nigeria fit achieve if correct policies dey ground,’ e add.”