Four Nearly Kpai As Two trailer Jam For Lagos–Abeokuta Road

Four people nearly kpai yesterday when one cement-laden truck jam another moving truck for Lagos–Abeokuta Expressway. Di accident involve two Howo trucks, one red truck with registration number T12926 LA and one ash-coloured truck with number WDL 536 XA. Di Ogun State Traffic Compliance and Enforcement Corps (TRACE) spokesperson, Babatunde Akinbiyi, confirm di incident for statement wey e drop on Wednesday for Abeokuta.

Akinbiyi talk say na four people dey inside di two trucks, but nobody wound and nobody die. According to am, na overspeeding by one of di truck drivers cause di wahala, as e lose control and jam di other truck. E still add say dem don tow di two trucks comot from di scene to clear road and make traffic for di busy expressway flow well again.