Free Nnamdi kanu Protesters Run As Security Fire Tear Gas, Gunshots For Abuja

Human rights activist, Omoyele Sowore, still lead di #FreeNnamdiKanuNow protest for Abuja on Monday, even after court order and police warning. Protesters start di march from areas like Transcorp Hilton, dey chant “Free Nnamdi Kanu now,” “Na our constitutional right to protest,” and “No tear gas us.” But police no gree. Dem land early, fire tear gas and gunshots, scatter everybody. Some protesters still shout “Tear gas no fit stop us” as dem dey run from di scene. Heavy security dey for Eagle Square, Unity Fountain, and Three Arms Zone as operatives block all access roads to Federal Secretariat and other key places.

Di main protest point, Unity Fountain, wey be where dem suppose kick off, turn no-go area as police and soldiers block everywhere. Motorists and people wey trek, no fit pass. Our correspondent see say di whole zone lock down as armed men patrol every corner. Meanwhile, another crowd wey gather near Nigeria Union of Journalists office for Utako—wey no even join di protest, run scatter as police and soldiers rush dem with tear gas. Everywhere bust, and people waka comot for fear.