How Ref Take Serve 23 Players Red Card For Brazilian Finals

By: Esther Ayoola

Wahala dem say nor dey finish, say nor be small fight burst for Brazil during Campeonato Mineiro final between Cruzeiro and Atlético Mineiro after Cruzeiro manage win di match 1–0.

Di trouble start for deep stoppage time when Atlético goalkeeper Everson rugby-tackle Cruzeiro midfielder Christian after dem clash as di keeper drop di ball.

Everson even kneel for Christian face and shout for am, and na dat one make Cruzeiro players vex rush am, push am enter net and den big fight start.

Afta di match, referee check everything again come give 23 red cards , 12 to Cruzeiro players and 11 to Atlético players,  as punches, kicks and pushing scara di pitch.