Lagos Govment Plan Relationship Support To Stop Domestic Violence For House

Lagos State Domestic and Sexual Violence Agency (DSVA) don expand dia relationship support services for residents of Lagos to help stop abuse before e start.

For statement wey dem share on Tuesday for dia X handle @Lagosdsva, di agency  say di service go give confidential guidance to singles and couples across di state.

Dem explain say di programme go cover pipo wey dey date, those wey dey prepare for marriage, early marriage stage and even troubled unions to promote healthy communication and mutual respect.