“Lagos Govt Wan Make People Dey Run Gov Affairs”

Lagos State Government don unveil one three-year Strategic Plan and Communication Strategy (2025–2027) to deepen how Lagosians take engage for governance. Di Office of Political, Legislative and Civic Engagement (OPL&CE) launch di documents for Lagos to strengthen di bond between government and di people through better communication of government activities, so residents fit take active part for decision-making. Special Adviser to di Governor, Dr. Afolabi Abiodun, talk for di Ikeja event say Lagos get people from different backgrounds and na why e dey important for dem to involve themselves for policies wey go shape dia future. E explain say di plan align with Sanwo-Olu THEMES+ Agenda and go boost transparency, improve trust, enhance collaboration between executive and legislature, and make sure both formal and informal stakeholders dey fully involved. Abiodun add say di strategy go use tools like strategic dialogues, town hall formats, digital feedback platforms, advisory mechanisms and more targeted civic education to strengthen participation, while CitizensGate platform remain one major avenue for Lagosians to reach government without barrier.

Di Permanent Secretary of OPL&CE, Sholabomi Shasore, yarn say traditional rulers, social media influencers, civil society organisations, media practitioners, movie directors and community associations go help drive di implementation of di strategy because every citizen want government wey go communicate with dem. She talk say di plan show everything Lagos need to do to make residents understand how government dey run. One gender rights advocate from Yiaga Africa, Cynthia Mbamalu, hail di initiative, talk say civic engagement dey key to Nigeria democracy because democracy no fit work without active participation from di people. She add say di new strategic documents go help identify policies wey go strengthen relationship between government and citizens. Abiodun still beg Lagosians to join hand with government, remind dem say governance na collective responsibility wey need transparency from government and active involvement from di people.