Madagascar Military Grab Power After Dem Impeach President Rajoelina

Madagascar wahala don deep pass as di military waka enter power Tuesday afta parliament impeach President Andry Rajoelina. Colonel Michael Randrianirina wey be oga for one elite military unit announce say di armed forces don collect control to “answer di cry of di Malagasy people.” Di Colonel talk dis one for outside di presidential palace, as e declare say dem go scatter di current government wey dey under di 2010 constitution, so dem fit bring back democracy and rebuild public trust.
Di impeachment wey happen earlier that day make Rajoelina reportedly run comot di country as kasala dey burst and military dey divide. Even as military don enter power, Randrianirina talk say National Assembly go still dey function, and dem don set up transitional government with joint presidency, reforms and Supreme Court to supervise tins. All dis wahala come after weeks of Gen Z protests wey reach climax when Randrianirina and him CAPSAT troops join di movement. Rajoelina accuse rivals of trying to hijack power before he hide, but di military no waste time to declare takeover on Tuesday.