Man Hide Mama Body Inside Freezer for Almost 3 Years, Land Jail

By: Esther Daniel

Strange story don shock people as 60-year-old Christopher Phillips collect two years and four months jail term after e hide im mama body inside chest freezer for almost three years.

Court hear say Phillips keep di body of im 89-year-old mother, Sylvia Phillips, for dia family house after she die for March 2023, while e continue to collect her pension and other benefits.

Di man tell court say e no ready to let im mama go because dem two close well well, and e still want spend more time with her.

Police later discover di body during welfare check for di house after her doctor raise concern, and di matter finally come outside.