Na Good Victory – Lookman React Afta Atalanta Beat Frankfurt

Super Eagles winger Ademola Lookman don show satisfaction after Atalanta beat Eintracht Frankfurt 3-0 for UEFA Champions League. Di Nigerian international score one goal as Serie A side hammer Frankfurt for Deutsche Bank Park. Lookman set di tempo early, dey stretch di defence and dey threat dem with im movement before he break di deadlock. E open scoring for di 60th minute after catching one precise cross from Charles De Ketelaere with fine first touch and fire di ball cleanly inside left post. Two minutes later, Lookman turn provider, run from deep, exchange passes and slide di ball for Ederson to finish close range.

Di Germans collapse after dat as Scamacca hit one strong shot for di bar, and De Ketelaere react sharp to turn di rebound for Atalanta third goal. Lookman yarn with UEFA media say e big performance for di team. E add say, “Na good victory away from home. First half we get few chances, second half we know say we gats create chances again. E sweet say we score three goals quick quick. Di team dey slowly gain confidence.”