Rapper Wale Davies Talk Wetin Dey Hold Talented People Back Pass

Nigerian rapper Wale Davies, wey people sabi as Tec, don talk say the biggest wahala wey dey hold talented people back na the kind decisions wey dem dey make. According to am, many times no be say person no get talent, but na wrong choices like who dem dey work with or the record label wey dem sign, na im fit make or scatter their career.

As e dey talk for one recent episode of Overnight Success podcast, Tec advise creatives make dem dey wise for the kind decisions wey dem dey make if dem wan last for the game. E say, “The biggest hindrance for talented people na decision-making. Sometimes, e fit be manager wey go thief your money, or one label wey go use you shine, or maybe you rush go sign deal too early.” Tec still add say to succeed, you need better team wey go guide you well and help you avoid mistake wey fit spoil your shine.