Rescued Oyo Pupil Tuk Say Him No Dey Fear To Resume School

One 15-year-old student, Bello Hassan, wey kidnappers carry from school for Oriire Local Government Area of Oyo State, don finally tell im story after spending 56 days for kidnapper hand.

Despite everything wey happen, Hassan talk say, he no dey fear to go back to school.

Hassan yarn dis one for journalists on Wednesday for Ogbomoso, shortly after doctor’s discharge am from LAUTECH Teaching Hospital.

E talk say after dem gbab am with other students and teachers, dem force dem to trek from morning till night before dem reach di kidnappers’ camp around 7 p.m, say na under trees dem dey sleep before security operatives rescue dem.