“Smoke For Hook Me” — Yemi Alade Yarn

Nigerian singer Yemi Alade don open up about one time for her university days when she nearly hook for smoking before she decide quit totally. For recent interview with Chude, di “Johnny” crooner talk say na curiosity push her try smoke for school, but e later turn something wey she dey depend on before sleep. According to her, di habit almost turn addiction. She talk say, “When I dey university, I try smoke. At first e work, but e later too much. I begin need smoke before I sleep, I dey get addicted to dat lifestyle.” Yemi talk say even though she dey hide am from people, e later make her realise say she no wan continue again. She add, “If I gatz hide do something, I no go do am.

I like dey conscious of my decisions.” She later stop smoke after she realise say e fit spoil her voice and health, and say di whole experience no even reach one year. Yemi talk say, “Smoking for me no last reach one year. I stop because e no be my thing and e fit harm my voice.” She still talk say even though temptation still dey sometimes, she don set strong rule for herself and she dey always stick to am.