England Striker Harry Kane Use Chelsea Wahala Score Two Goals As Bayern Munich Knack 3-1 For Champions League

Kane, 32, win penalty and score am, then for second half, seal win with fine curled shot after Malo Gusto make mistake. Earlier, Chelsea defender Trevoh Chalobah score own goal, and returning Cole Palmer fire one shot enter top corner to reduce score on him 100th game for all competition for West London team. For second half, warning plenty as Michael Olise and Kane miss correct chances when Chelsea, wey just waka come back Champions League since 2022-23 season, dem dey try chase equalizer. For di end, na Gusto yeye pass cause wahala as Kane curl shot for 63rd minute wey kill di match finish. Chelsea waste better early start, miss chances through Pedro Neto and Enzo Fernandez, and Palmer own late goal chop cancel because of small offside.

For di end, Bayern, wey get more street sense and experience outsmart Chelsea, as dem win dia first Champions League match for di 22nd season straight. Bayern goalkeeper Manuel Neuer, wey be 39, play him 151st Champions League match. But Chelsea whole 24-man squad never even reach 117 appearances for dis level before kick-off. Striker Nicolas Jackson, wey join Bayern on loan from Chelsea on deadline day, enter from bench for 91st minute but no really get chance to show im former club pepper. Chelsea go face Benfica next for Champions League, and e fit be say Jose Mourinho go show face return to Stamford Bridge, as people dey expect say dem go announce am as Benfica coach tis week.