Dem Pursue Pregnant Widow From Benue Say She Thief For Shop

One heavily pregnant widow don chop banishment from Ugbema community for Buruku Local Government Area of Benue State, as dem accuse her say she dey shoplift. Tori wey reach ground talk say di woman, wey just lose her husband, dey collect small-small things from shop to feed herself, her pikin and di unborn baby. But her luck finish on Saturday, October 10, 2025, when local youths catch her red-handed and punish her for open place under hot sun.

Eyewitnesses yarn say na di elders of di community give order make dem pursue her comot from di area as punishment. Di youths come escort her out sharply. But plenty residents don vex over di way dem handle di matter. Dem talk say di woman no need disgrace, say na help she suppose dey get, especially with di way she take carry belle and still dey hustle to survive.