Sean ‘Diddy’ Combs Go Come Out from Prison for May 2028

Sean “Diddy” Combs go spend about three years for federal prison and e go regain him freedom by May 8, 2028. Di hip-hop mogul bin get 50 months prison sentence earlier dis month for two counts of interstate pr0stitution, but dem give am credit for di time wey e don already spend for detention before trial wey happen during summer. According to Federal Bureau of Prisons, Diddy release date na May 8, 2028. Di music star bin get free hand for di more serious charges like racketeering and s£x trafficking as jury no find am guilty for those ones. E don maintain say e no guilty since day one, and e don dey for detention since September 2024. Prosecutors first push make e serve 11 years, but since na him first criminal conviction, di judge settle for lighter sentence 50 months, $500,000 fine, plus five years supervised release. Diddy lawyers don talk say dem go appeal di matter.

For di eight-week trial, prosecutors accuse Combs say e use him position as entertainment mogul take force or pressure women to get involved in s£x acts with paid s£x workers. One of di alleged victims na him former girlfriend, Casandra “Cassie” Ventura, wey testify against am. Prosecutors still try charge am for racketeering, talk say e dey lead one criminal group wey dey cover up him bad acts, but di jury no gree that one. However, dem find am guilty for violating di Mann Act wey forbid person from traveling across state lines for pr0stitution. Court evidence show say Combs pay for s£x workers to fly across di country for “freak-offs”  wey dem describe as drug-fueled s£x marathons. Even though him defense lawyers no deny say e don act violent toward women before, dem talk say di case na domestic abuse matter, no be s£x trafficking.