Senate Wan Tag Kidnaping As Terror Work

By: Rilwan Agbomeji

For Wednesday for Abuja, We Senate don run mata again katapot change for di 2022 Terrorism Act  say, moving forward, any jaguda  wey do kinaping, whether na money take support oh, or na u spiderman wey  give informate, or ur work na to hide victim, any how any how so far u dey involve say na death penarity now ooo.

Di bill show bodi for di house as Senate Leader, Opeyemi Bamidele drop am bitwei, as im carry talk am, kidnapping, hostage-taking and any back-end support na pure terror work for di nation.

Lawmakers yarn say di move go giv security agencies mad power to touchlight dirty money, scatter supply lines and run sharp operations wey fit burst kidnaping for di obodo Naija kpatakpata.

For inside general meeting wey Senate Presido Godswill Akpabio dey control, senators from all corner hail di change like say dem kill lion wey dey press di country for neck.