Dangote Drag Former NMDPRA Boss Go EFCC Over Corruption

By: Esther Ayoola

Chairman of Dangote Industries, Aliko Dangote, through im legal representative, don submit corruption petition against former NMDPRA Managing Director, Farouk Ahmed, for EFCC headquarters.

Dangote Group media team tuk dis one on Friday through one statement wey dem give our correspondent.

According to di statement, Dangote take di marra go EFCC for investigation, accusing Ahmed of alleged corruption and financial misconduct.

Di move come afta Dangote earlier petition ICPC over allegation say Ahmed spend about five million dollars on im children school fees for Switzerland, before e later withdraw di petition even as ICPC say dem go continue investigation.