Police Commission Promote 13 CPs Go AIG Rank

By: Esther Ayoola

Police Service Commission don approve promotion for 13 Commissioners of Police (CPs) go higher rank of Assistant Inspectors-General of Police (AIGs) afta dem pass written exam and interview for Abuja.

Names of di promoted officers include Emmanuel Ado Christopher, Joseph Eribo, Dantawaye Miller, Uche Ifeanyi Henry and Olarenwaju Peter Ogunlowo among odas.

For di same exercise, 17 Deputy Commissioners of Police (DCPs) sef don rise go Commissioners of Police (CPs), with officers like Abdulrahim Audu Shaibu, Abbas Sule and Ojugbele Adebola inside di list.

Di Commission sti promote 19 Assistant Commissioners of Police (ACPs) wey go become Deputy Commissioners (DCPs), while 35 Chief Superintendents of Police (CSPs) move up to Assistant Commissioners of Police (ACPs).

PSC say dem don send di full list give di Inspector-General of Police make di promotion start to take effect immediately.