Wike Tell Police Say Make Dem Arrest Pipo

By : Jolayemi Olajide

FCT Minister Nyesom Wike don order security agencies on Wednesday, June 3, make dem arrest any person wey dey drop former President Goodluck Jonathan picture everywhere for Abuja to cause political katakata.

Wike yarn say e pure wrong make anyone dey parade Jonathan as presidential candidate when di man himself never use e own mouth talk am.

Di minister clear air say candidate na person wey run election win and collect certificate of return, not to just dey look body language.

Wike vow say he go use heavy hand block anybody wey wan use dis Jonathan campaign matter break peace and scatter security inside di federal capital.