Reno Omokri Reply Davido

Ambassador to Mexico, Reno Omokri, don fire back at Afrobeats star, Davido, afta di singer rain insult on am sake of comments wey Reno make about im performance for im World Cup concert.

Di whole wahala start as Davido perform for di FIFA World Cup countdown concert for Los Angeles.

For di show, e wear one jacket wey write di names of over 40 school children and teachers wey kidnappers carry for Oyo State, plus di message “Bring Them Home.”

For one statement wey Reno post for im social media dis Tuesday, e talk say e surprise as a big celebrity like Davido go use “vulgar” language against am, say dat kain talk no fit di person wey dey carry Nigeria name for outside world.