North Korea Stand Gidigba With Russia Over Ukraine War

By : Jolayemi Olajide

North Korea don konfam say e still dey support Russia for di Ukraine war after di foreign ministers of both countries meet for Moscow, according to state media on Tuesday.

Since Russia begin full-scale invasion of Ukraine for early 2022, North Korea and Russia don strengthen dia relationship despite international pressure.

Reports say Pyongyang don send soldiers and weapons go help Russia, while Moscow dey provide financial support, food, energy supply and military technology in return.

Di meeting between North Korean Foreign Minister Choe Son Hui and Russian Foreign Minister Sergey Lavrov end with both countries promising to deepen dia long-term partnership, as speculation dey grow say Kim Jong Un fit soon visit Russia.