Social Media Giants Don Enter Senate Radar! Lawmakers Want Force Dem Open Office For Nigeria

By: Yusuf Abuh

Di Senate don push one new bill to force big foreign social media companies open physical offices for Nigeria, as lawmakers debate di proposal for Abuja on Thursday.

Senator Ned Nwoko sponsor di bill to amend di Nigeria Data Protection Act, saying e go make social media companies answer better to Nigerian laws and authorities.

Lawmakers and stakeholders wey attend di discussion for Abuja on Thursday throw dia weight behind di proposal, saying e go strengthen regulation of big tech companies for di kontri.

Di Senate also pass another bill to establish one Artificial Intelligence Academy for Omuo-Ekiti, Ekiti State, to boost AI education and innovation for Nigeria.