Hamzat Promise More Focus On Tech, Education And Health

By: Mariam Ajayi

Lagos State Deputy Gofnor, Dr Obafemi Hamzat, don promise to make technology, education, healthcare, youth development and support for businesses part of im agenda for di state.

Hamzat, wey be APC governorship candidate for di 2027 election, say im vision na to create environment wey businesses fit grow and make government systems work better.

E talk dis one on Monday for event wey 7-Fifteen Capital organise for Ikoyi, Lagos, where e meet about 150 young executives, business founders, investors and business leaders.

Hamzat say im proposed Digital Lagos 2.0 go use artificial intelligence, blockchain and smart-city technology to improve government services and make Lagos one of di leading technology and innovation centres.