Lagos Uni Workers Enter Indefinite Strike Over Unpaid Arrears

By: Mariam Ajayi

Workers for Lagos State gornment owned universities don enter indefinite strike over wetin dem describe as gornment failure to fulfil agreements with di unions.

Di workers, under Joint Action Committee, JAC, include ASUU, SSANU, NAAT and NASU, and di strike affect LASU, LASUED, LASUSTECH and LASUCOM.

JAC Chairman, Prof. Ibraheem Bakare, say di unions don try dialogue but dem don exhaust all channels to resolve di matter, including demands for nine months accumulated arrears and 15 per cent Lagos Factor allowance.

Di unions also demand implementation of di 20 per cent salary increase wey Governor Babajide Sanwo-Olu promise for 2023, alongside provision of five Marcopolo buses for students and workers.