Burley Drag FIFA Over Ronaldo Red Card

Former Chelsea midfielder, Craig Burley, don drag FIFA after dem allow Portugal captain Cristiano Ronaldo play for im country for 2026 FIFA World Cup opener. Burley talk say di decision na mockery and complete shame as dem suspend di ban and reduce Ronaldo red card to one-game suspension. Recall say Ronaldo bin collect red card for Portugal 2-0 loss to Ireland after im elbow Dara O’Shea off di ball. Di Al-Nassr forward bin dey suspended for Portugal last qualifier win against Armenia.

For ESPN FC, Burley talk say, “If Gianni Infantino get shame…because make we honest, im fit sell im soul for money, we don see am with Club World Cup and di extended World Cup. Dem don make mockery of dia own disciplinary process, na complete shame. Wetin dis dey tell referees and other pros be say, ‘Maybe make you no send off big stars, leave am to guys wey dey under radar because we want these big stars for major tournament’. When you don see any player wey dey get probation after dem send am off for violent conduct? Na 3 game ban be di rule, you no fit reduce am. Burley continue: “Dis don make mockery of di organisation because dem dey make dia own rules. If na any other player…dem for give am three-game suspension and dem for miss di World Cup or first couple games. But for Cristiano Ronaldo, na different rule apply, and if FIFA try tell you otherwise, dem dey talk pure nonsense.”