Ethiopa Wan Bid To Host Di 2028 African Cup of Nations

Ethiopia don officially submit bid to host di 2028 Africa Cup of Nations, (AFCON), wey go be di first time di country go host di tournament in more than 50 years.

Ethiopian Football Federation confirm di bid for post wey dem make for X late Monday, and di last time wey Ethiopia host di continental tournament na 1976.

Ethiopia get about 130 million pipo, make am di second country with di highest population for Africa.

But di bid get plenty wahala inside as ongoing attacks for Amhara and Oromia, wey be di two states with di highest population, plus fear say fresh civil war fit start between federal goment and northern Tigray region.