Federal Gornment don order all Ministries, Departments and Agencies say make dem no employ new workers enter 2027, that is to say, make dem maintain di number of workers wey dem get for now.
Di gornment drag ear give dem say make dem no create new work or department without permission from di Office of di Head of di Civil Service of di Federation.
Any office wey fail to submit dia worker records and defend dia budget fit lose dia 2027 salary moni.
Dis order komot on November 9, 2026, inside one circular wey Permanent Secretary, Service Policies and Strategies Office, Ishiyaku Musa Mohammed sign.